ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

គុយបាអញ្ជើញប្រធានរដ្ឋសភាទៅធ្វើទស្សនកិច្ចផ្លូវរដ្ឋ

  • ចុះផ្សាយថ្ងៃទី១២ ខែមិថុនា ឆ្នាំ២០២៤ ម៉ោង ១២:៥៩ នាទី ដោយ Hun Sirivadh
  • 1540
  Aa |   aA

ភ្នំពេញ៖ ឯកអគ្គរដ្ឋទូតគុយបាប្រចាំកម្ពុជាលោកស្រី មីឡេនណា ការីដាដ ហ្សាឌីវ៉ារ ពាដ្រា (Milena Caridad Zaldivar Piedra) បានអញ្ជើញប្រធានសភាកម្ពុជា សម្ដេចសភាធិការធិបតី ឃួន សុដារី ទៅធ្វើទស្សនកិច្ចនៅប្រទេសគុយបាក្នុងពេលណាមួយខាងមុខ ខណៈប្រធានសភាកម្ពុជាបានទទួលយកការអញ្ជើញនេះ និងពិនិត្យថានឹងទៅក្នុងស្ថានភាពស្រមស្របណាមួយ។

ការអញ្ជើញនេះធ្វើឡើងក្នុងពេលដែលលោកស្រី មីឡេនណា ការីដាដ ហ្សាឌីវ៉ារ ពាដ្រា (Milena Caridad Zaldivar Piedra) ចូលជួបពិភាក្សាការងារជាមួយសម្ដេចប្រធានសភានៅព្រឹកថ្ងៃទី១២ ខែមិថុនា ឆ្នាំ២០២៤នេះ នៅវិមានរដ្ឋសភា ភ្នំពេញ។

លោកស្រីអគ្គរដ្ឋទូតបានលើកឡើងពីចំណងទំនាក់ទំនងរវាងប្រទេសកម្ពុជា និងគុយបា ដែលថាជាទំនាក់ទំនងល្អ រឹងមាំ ដោយឈរលើមួលដ្ឋាននៃការគោរពឯករាជភាព និងអធិបតេយ្យភាព ជួយជ្រោមជ្រែងគ្នាទៅវិញទៅមកដោយគ្មានការជ្រែតជែកកិច្ចការផ្ទៃក្នុងរបស់គ្នា ខណៈដែលសម្ដេចប្រធានរដ្ឋសភា ឃួន សុដារី បានរំឮកពីចំណងទំនាក់ទំនងជាង៦ទស្សវត្សរ៍របស់ប្រទេសទាំងពីរ ដោយថាទំនាក់ទំនងនេះជាទំនាក់ទំនងពិសេស និងមិត្តល្អជួយគ្នាក្នុងគ្រាលំបាក។

លោកស្រី មីឡេនណា បានពាំនាំនូវការណែនាំរបស់ប្រធានសភាគុយបាដើម្បីអញ្ជើញសម្ដេចសភាធិការធិបតី ទៅទស្សនកិច្ចនៅប្រទេសខ្លួនផងដែរ។

ប្រធានខុទ្ទកាល័យសម្ដេចប្រធានលោក កែវ ពិសិដ្ឋ បានប្រាប់អ្នកសារព័ត៌មានថាការអញ្ជើញនេះត្រូវបានសម្ដេចទទួល និងអាចធ្វើទស្សនកិច្ចនៅក្នុងពេលណាមួយសមស្របនាពេលខាងមុខ។

ស្របពេលស្ថានភាពនៅក្នុងអាមេរិកខាងត្បូងកំពុងបានទាញចំណាប់អារម្មណ៍ពីអន្តរជាតិទាក់ទងនឹងការចូលចតនាវាចម្បាំងរបស់រុស្ស៊ីនៅរដ្ឋធានីហាវ៉ាណា ប្រទេសគុយបា ជំនួបរវាងសម្ដេចប្រធានសភា និងឯកអគ្គរដ្ឋទូតគុយបានៅពេលនេះត្រូវបានលោក កែវ ពិសិដ្ឋ បញ្ជាក់ថាកម្ពុជាមិនព្យាយាមទាញខ្លួនឱ្យចូលក្នុងប៉ូលនៃជម្លោះណាមួយនោះទេ តែជាការរឹតចំណងទំនាក់ទំនងដែលធ្លាប់មានជាមួយគុយបាឱ្យរឹងមាំដែលអាចចូលរួមជួយរក្សានូវសន្ដិសុខ និងសន្ដិភាពពិភពលោកផងដែរ៕ 


ព័ត៌មានជាច្រើនទៀតសម្រាប់អ្នក